・・・ • • • أغلب الأسئلة الي توصلني وتتكرر دايم بالكومنتات وش معنى جولة وش المقصود بالتكرار كم اشيل وزن متى ازيد التكرار وش تقصدين بزيادة وزن وتنحيف وشد ولو ابي تنحيف وشد كم اسوي ولو ابي تسمين وشد كم اسوي وقلت اجاوب عليها ببوست خاص للمرة الأخيرة وعشان الكل يستفيد
• معنى جولة نقصد فيها تمرين واحد معين مثلاً تمرين السكوات التكرار هو انك تكررين هذا التمرين عدة مرات يعني لما اقولك ثلاث جولات وتكرار ثمان مرات تسوين نفس التمرين ثلاث مرات كل مره تكررينه ثمان مرات يعني تكررين السكوت ثمان مرات بعدين توقفين تاخذين راحة نص دقيقة هذا جولة وخلصت ترجعين تكررين نفس تمرين السكوات ثمان مرات وتوقفين تاخذين راحة نص دقيقة هذا جولة ثانيه خلصت ترجعين تكررين تمرين السكوات ثمان مرات هذا جوله ثالثة وخلصت كذا نكون سويناه ثلاث جولات كل جوله ثمان مرات للتمرين الواحد تسوينه بنفس الوقت ولما تنتقلين لتمرين ثاني تاخذين راحة دقيقة او دقيقتين
• لما أقول زيادة وزن القصد هو تضخيم العضلة مو القصد انك اذا سويتي هالتمرين بتسمنين حطوا في بالكم التمارين وحده للكل نساء رجال تسمين تنحيف بس عدد التكرار هو الي يفرق مع التغذية الصحية
• فلما اقول زيادة وزن يعني النحيفة او حتى سمينة وحابة تضخم هالعضلة عندها تسويها ٨/٨/٨ مع ثقل بالتدريج تبدا من كيلو الى كيلوين وكل اسبوعين تزيده وكل ماصار اثقل كل ماكانت النتيجة اسرع يعني حاولي يكون بالتدريج من خمسه كيلو وطالع وكل ماسهل عليك الوزن زيديه
• لما اقول تنحيف يعني الي هدفها انها تنحف وتخفف من دهون العضله تسويه ٢٥/٢٥/٢٥ واكثر مع ثقل مايتعدى ثلاثة كيلو وطبعا بالتدريج بالبدايه سوي العدد الي تقدرين عليه مع الأيام ابدي زيديه ولا توقفين على ٢٥ بس لا حاولي كل مره تسوين التمرين تكسرين الرقم والثقل يكون ثابت بس الرقم يكبر وكل ماوصلتي لعدد كبير كل ماخفيتي اسرع وصارت النتيجه افضل • لما اقول شد يعني الي تبي تحافظ على وزنها وتحافظ ع الكتله العضليه بس تبي تشد جسمها تسويه ١٥/١٥/١٥ مع وزن ثلاثه كيلو ثابت الرقم والثقل ثابت الا اذا ودها بتكبير جزء او تنحيف جزء تتبع نفس الي شرحته فوق👆🏻
• طيب اذا ابي تسمين وشد او تنحيف وشد كم اسوي سوي المطلوب منك اذا هدفك تنحيف خلك على فئة التنحيف ٢٥/٢٥/٢٥ وفوق وبنفس الوقت هي بتشد اساسا ونفس الشي اذا هدفك تسمين سوي ٨/٨/٨ وهي اساسا بتشد
• وحطوا في بالكم كل الفئات تسمين وتنحيف وشد تمارين لحالها بدون تغذية ماتنفع ماتنفع ماتنفع تأكدوا اي نظام يعتمد ع التمارين بس وبدون تغذية صحية ماراح يوصلك لنتيجة الأكل ٧٠٪ التمارين ٣
