・・・ • • • استغرب ان فيه ناس مازالت تصدق هالخرافات وان فيه خلطة تنحف باسبوع او خلطة تسمنك باسبوع رغم ان الوعي زاد عند الناس وصار فيه ناس تثقف وتحذر من هالخرافات الا ان فيه ناس مازالت مصرة وتصدق ان فعلا بتشوف نتيجة!!
• حطوا في بالكم وتأكدوا بدون رياضة واكل صحي مستحيل تلاقون النتيجة الي تبونها
• مافيه خلطات شعبية للتنحيف والشد كلها هراء والغرض منها الربح ولها أضرار على الكلى والقلب بسبب تركيبتها الغير صحية
• المشكلة ان الخلطات في ازدياد والكل يدلي ببضاعته واذا لم يكن الانسان حذرا واعيا منها أهلك نفسه وغيره وأضاع ماله ووقته وجهده
• الى متى وهذا حالنا من رجيم لرجيم والبحث عن خلطات سحريه عشان ننحف ونصدقها وهي كذب ليش مانغير من عاداتنا وسلوكنا ونعيش بصحه
• المضحك بالموضوع ان الي تبيعك خلطة للتنحيف تقولك ترى ضروري تسوين رياضه ولا ماراح تشوفين نتيجة!! والذكية الي تشتري منها تاخذها وتسوي رياضة ولما تنحف تقول خوش خلطة نحفتني صدق!! ياحبيبتي نحفتي لأنك سويتي رياضة اما الخلطة والله مالها اي تأثير ولا اي فايده
• والي تبيعك خلطة عسل للتسمين وتقولك بعشره ايام تلاقين نتيجة مع نظام غذائي وتجلس تاكل وتاخذ الخلطة ولما تسمن تفكر العسل الي سمنها وهي اساساً سمنت لأنها بدت تاكل وجبات بشكل منتظم
• اتحدى ان فيه خلطة لحالها تعطيك نتيجة اصلاً مستحيييل
• الحل الوحيد للرجيم يتمثل في (كف يدك ، و اطلق رجلك) يكفي كذب و نصب من خلطات التخسيس باختصار الاكل هو سبب سمنتك و عدم الحركة
• ونفسها للي حابة تسمن كلي اكثر من خمس وجبات وسوي رياضة وشوفي النتيجة والتغيير الي يفرحك
• غير كذا لا تحطون امل على خلطة ولا حبوب ولا دوا ولا عشبه الخ انه بيعطيك النتيجة الي تبيها
• كلها نصب واحتيال ولعب مافيه حبوب بينحفك مافيه خلطة تسمنك مافيه خلطه تبيضك مافيه عشبه تخصر جسمك مافيه مافيه مافيه الخ
• انتبهوا هذه صحتكم لا تصدقون ان هالاشياء سحر وبتسوي لكم الي ماقدرتوا تسوونه فيه اعشاب تتعارض مع اعشاب ثانيه وفيه اعشاب تتعارض مع حبوب تاخذينه وفيه خلطات تحتوي على مواد ضاره انتوا ماتدرون وش حاطين فيها انتبهوا الا صحتكم ترى الصحة ماتتعوض
• اتمنى يتنشر وعي ان الخلطات خرافة وعمرها ما تفيد وان الحل موجود وبسيط كلها نظام غذائي صحي مع رياضة ونوصل للي نبيه بإذن الله💪🏻👏🏻 • • •
ليست هناك تعليقات:
إرسال تعليق