السلام عليكم ورحمة الله و بركاتة ✋ . .
🔵بالنسبه لموضوعنا اليوم و شنو الافضل لشد الترهلات؟ .
🔸طبعا الدامبلز افضل : لانه الترهلات تحتاج زياده بوزن الدامبلز من وقت لأخر ولازم نزيد من الوزن عشان نستمر بالشد وخصوصا اذا ترهل شوي زايد .
🔸اما حبل المقاومه ممتاز للناس اللي تبي تحافظ على المستوى اللي اهم فيه وايضا ممتاز للناس اللي تسافر كثير يقدرون ياخذونه معاهم بدال الزامبلز وماياخذ وزن بالجنطه . .
🔵وبالنسبه لسؤال شنو الفرق بينهم ؟ . 🔸الفرق ان الدامبلز نقدر نتحكم فيه اكثر اثناء التمرين
🔸وايضا الدامبلز يحرك زوايا العضله اكثر .
🔸اما حبل المقاومه شوي يقيدنا بنوعية التمرين
🔸وفي تمارين بالدامبلز صعب نطبقها بحبل المقاومه . .
💭 ف الاثنين ممتازين لكن الناس اللي تتمرن بالبيت او بالنادي انصحكم بالدمابلز افضل عشان تقدرون تنوعون بالتمارين وماتتقيدون بحبل المقاومه بتمارين معينه 💭 وخلوا حبل المقاومه للسفر ممتاز كشكل مؤقت👍
. . 👈 الحين بشكل عام بذكر لكم الاوزان الدامبلز اللي انصح فيها اغلب اخواتي النساء يستخدمونها
⚠ لانهم احيانا يتوهقون ومايعرفون كم الوزن اللي يستخدمونه : .
🔵الزنود ( الذراع ) : ١ او ٢ كيلو .
🔵الصدر : ٣ او ٤ او ٥ او ٦ او ٧ كيلو او اكثر عادي .
🔵الظهر : ٢ او ٤ او ٦ كيلو ( في حالات لازم بدون وزن للظهر هذي المدرب يحددها ضمن جدولها ) .
🔵الفخوذ والارداف : ٤ او ٥ او ٧ او ١٠ كيلو ( في حالات ماتحتاج وزن والمدرب يحددها) . .
لاتنسون مايصر وزن الدامبلز لعضله صغيره نفسه لعضله كبيره وطبقوا اللي كتبته لكم 💪
و ضروري اذا صار الوزن خفيف بالنسبة لكم تزيدونه 👌 .
والله يوفقكم🌹🌹
ليست هناك تعليقات:
إرسال تعليق