ماهو السليوليت 🙍🤔؟
هو تغير في الجلد على شكل تعرجات ناتجه عن تراكم الدهون بطريق غير صحيحه وفي الغالب تكون في منطقة الفخذ البطن و المؤخره ،
يحدث بالغالب نتيجة السمنه ثم النحف ، و العكس ايضا صحيح
ويحدث احيانا جراء الحمل
كما ايضا هو شيء وراثي . . . .
نصائح 🕵:
١- لازم تعرفين من داخلك ان هالمشكله من اكثر المشاكل الشائعه بين النساء ف انتي مو لحالك اللي تعانين من هالمشكه
٢- العلاج يحتاح وقت طويل لحتى تتخلصين من اغلب المشكله ف يحتاج صبر و مواضبه
٣- هالطريقة رح تعطي نتائج اكثر ارضاء و اسرع اذا صاحبها تمارين شد للمناطق التي تعاني من هالمشكله . . .
المنتجات المستخدمه 💋💍💄 :
١- قهوه مطحونه
٢- زيت زيتون
٣- لفة سانيتا الشفافه اللي يستخدم لتغليف الاكل . . .
الطريقة:
١- سخني نص كوب من القهوه المطحونه مع ملعقين طعام زيت زيتون ( لمرحلة الدفىء لاتغلينهم يسخننون زياده)
٢- حطي هذي الخلطه على الاماكن اللي تعانين من السليوليت فيها ( اشهر المناطق المعرضه هي الفخذين ، البطن ، المؤخره )
٣- لفي هذي المناطق بالسانيتا
٤- اتركي هذي الخلطه على جسمك ٢٠ دقيقه بعدها شيلي السانيتا
٥- قبل ماتتسبحين عشان تشيلين بقايا القهوه ، سوي سنفرة لهذة المناطق ب بقايا القهوه
٦- بعد الاستحمام ادهني المنطقه ب ( زبدة كاكاو + زبدة شيا) او ( زيت جوز الهند العضوي)
٧- كرري هالطريقه ٣ مرات في الاسبوع لمدة ٦ اسابيع . . .
هذا كل شي ... و نتمنى لكم يوم جميل مع القهوه 🍩❤️ . .
ليست هناك تعليقات:
إرسال تعليق