السلام عليكم ياطيبين✋🏽 .
كثير منا مايحب الرياضه وماله خلقها ويتعاجز عنها ف كتبت لكم طرق تفيدكم باذن الله☝🏽️ . 🔷
ماتحب الرياضه؟
اوكي لاتحبها بس ابي منك حركه خفيفه وعلى مزاجك انت باللي يعجبك تمام؟ . .
🔷مالك خلق تتمرن حديد ؟
🔸لاتتمرن حديد مو شرط اكتفي فقط بالتمرين الهوائي مثل المشي او دراجه او الغزال والاوربتتراك (( مثل ماقتلك على مزاجك انت )) . .
🔷مالك خلق تتمرن كل يوم ؟
🔸لاتتمرن كل يوم عالاقل يوم وترك تمرن . .
🔷مالك خلق تتمرن ساعه كامله ؟
🔸لاتتمرن ساعه ، عادي كل يوم وترك تمرن ٤٥ دقيقه او حتى لو ٣٠ مشي سريع
🔷ماتحب تلتزم بالتغذيه ؟
🔸خلاص اوكي تريق وتغدا على راحتك بس عالاقل لاتتعشا🍔🍟 . . 🔷
ماتقدر تقلل الحلويات🍫🍰 ؟
🔸اوكي مو مشكله بس قبل طبق الحلو اكل موزه او تفاحه🍌🍏 .
شوي شوي راح تقدرون تقطعون العادات السيئه صدقوني👍🏽
ولم تشوفون انكم قاعد تتغيرون😍 راح تتحمسون اكثر وتطورون نفسكم اكثر وهالشي وعدددد مني لكم👍🏽 . .
بعد اكثر من هالبساطه👆🏽‼️ مافي ،،،
بس ولا انك تقعد بدهونك وشحومك عالاقل عشان : .
تنزل شوي من وزنك✅
تقوي قلبك✅
تحمي شرايينك✅
تبعد عن نفسك الامراض✅ .
باجر محد بشيلك غير نفسك وصحتك ،،،
بس ها من الحين اقولكم هالطرق👆🏽اللي ذكرتها فقط تعتمد على التمرين الهوائي يعني مافي شد راح يكون بالجسم ،
هاللي ذكرته👆🏽فقط عشان نحافظ على صحتنا وعشان ننزل شوي الوزن فقط .
اما اللي يبي جسم مرتب ومشدود ورشيق لا ،
لانه لازم تمارين كامله هوائيه وشد ومقاومه وتغذيه سليمه بكامل عناصرها بدون حرمان لكن بطرق صحيه بالطبخ🍳🍢 . .
كثير يسالون الحين معقوله ياكابتن في ناس بهالطريقه👆🏽مالهم خلق الرياضه ابدا😐‼️ .
اي للاسف في بس اقليه وان شاءالله مع الوقت يستوعبون ان الرياضه اسلوب حياه وانها افضل شي لصحتهم وعافيتهم مو بس عشان شكل الجسم .
والله يهدي الجميع 👆🏽 . .
الكابتن/ عبدالله الشيرازي📝
ليست هناك تعليقات:
إرسال تعليق